विधानसभा निवडणुकीच्या पार्श्वभूमीवर भामरागड पुलाच्या ठिकाणी स्फोटके पेरून ठेवणाऱ्या एका नक्षल समर्थकास अटक.

गडचिरोली जिल्हा पोलिसांची मोठी कारवाई. 

गडचिरोली:- गडचिरोली जिल्हा हा माओवादाने प्रभावीत जिल्हा असल्याने या ठिकाणी माओवादी हे विविध हिंसक कारवाया करुन सुरक्षा दलाचे नुकसान करण्याचा प्रयत्न करीत असतात. नुकताच पार पडलेल्या महाराष्ट्र विधानसभा निवडणुक 2024 च्या पाश्र्वभूमीवर माओवाद्यांनी सुरक्षा दलाच्या जवानाना नुकसान पोहचविण्याचा उद्देशाने भामरागड च्या पर्लकोटा नदीवरील पुलावर काही स्फोटके पेरून ठेवली होती. त्यावरून दि. 16/11/2024 रोजी वरिष्ठांच्या मार्गदर्शनाखाली बिडीडीएस पथकाच्या सहाय्याने सदर स्फोटकांचा शोध घेऊन पुरुन ठेवलेली स्फोटके घटनास्थळावर नियंत्रित स्फोटाद्वारे नष्ट करण्यात आले. त्यावरुन सुरक्षा दलाच्या जवानांना जिवे ठार मारुन त्यांची शस्त्रास्त्रे व दारुगोळा लुटण्याचे अनुषंगाने पोस्टे भामरागड येथे अप. क्र. 52/2024 कलम 109, 132, 126 (2), 190, 191 (2) (3), 61 (2) भान्यासं, सह कलम 5/28 भाहका, सह कलम 4,5 भास्फोका, सहकलम 37 (1) (2) मपोका, सहकलम 13, 16, 18, 20, 23, 38, 39 युएपीए अॅक्ट अन्वये गुन्हा दाखल करण्यात आलेला होता.

सदर घटनेमध्ये सक्रिय सहभाग असलेल्या एका इसमास दि. 24/11/2024 रोजी गडचिरोली पोलीस दलाने अटक केले आहे.सदरची कारवाई गडचिरोली पोलीस अधीक्षक नीलोत्पल, अपर पोलीस अधीक्षक (अभियान) यतिश देशमुख, अपर पोलीस अधीक्षक (प्रशासन) एम. रमेश, अपर पोलीस अधीक्षक, अहेरी श्रेणिक लोढा उपविभागीय पोलीस अधिकारी भामरागड अमर मोहिते, पोस्टे भामरागड प्रभारी अधिकारी पोनि. दिपक डोंब यांच्या मार्गदर्शनाखाली पोउपनि. संकेत नानोटी यांच्या नेतृत्वात पोस्टे भामरागड पोलीस जवानांनी व सिआरपीएफच्या जवानांनी पार पाडली.