मुंबई:- म्यानमारमधील भूकंपानंतर भारताने मदत पाठवली आहे. १५ टन मदत साहित्याची पहिली खेप तिथे पोहोचली आहे. परराष्ट्र मंत्रालयाचे प्रवक्ते रणधीर जयस्वाल यांनी याची पुष्टी केली. जयस्वाल म्हणाले की, याला ‘ऑपरेशन ब्रह्मा’ असे नाव देण्यात आले आहे.भारताचे परराष्ट्र मंत्री एस जयशंकर यांनी शनिवारी सोशल मीडियावर लिहिले की, म्यानमारच्या लोकांना तात्काळ मानवतावादी मदतीचा पहिला खेप पाठवण्यात आला आहे. त्यांनी सांगितले की, भारतीय हवाई दलाच्या सी-१३० विमानात ब्लँकेट, ताडपत्री, स्वच्छता किट, स्लीपिंग बॅग्ज, सौर दिवे, अन्न पॅकेट्स आणि स्वयंपाकघरातील संच आहेत. विमानात शोध आणि बचाव पथकाव्यतिरिक्त एक वैद्यकीय पथक देखील आहे. जयशंकर म्हणाले की, आम्ही परिस्थितीवर लक्ष ठेवू आणि पुढील मदत पाठवली जाईल.
भारताने म्यानमारला १५ टन मदत साहित्य पाठवले.
भारतीय हवाई दलाच्या C130J विमानाने हिंडन हवाई दल तळावरून म्यानमारसाठी उड्डाण केले. सूत्रांनी दिलेल्या माहितीनुसार, भूकंपग्रस्त म्यानमारला पाठवण्यात येणाऱ्या १५ टन मदत साहित्यात तंबू, स्लीपिंग बॅग, ब्लँकेट, तयार अन्न, पाणी शुद्धीकरण यंत्र, सौर दिवे, जनरेटर सेट आणि आवश्यक औषधे यांचा समावेश आहे.
