कोडसेपल्ली जंगलात वाघाच्या हल्यात गाय ठार; परिसरात भीतीचे वातावरण.
नागरिकांनी सतर्क राहण्याचे कमलापूरचे वनपरीक्षेत्र अधिकारी गौरेश गडमडे यांचे आवाहन.
अहेरी(गडचिरोली):- अहेरी तालुक्यातील पेरमिली पासून 10 किमी अंतरावर असलेल्या कोडसेपल्ली जंगल परिसरात वाघाने एका गाईवर हल्ला करून ठार केल्याचे घटना घडली आहे. त्यामुळे परिसरात भीतीचे वातावरण पसरले आहे.
सिरोंचा वन उपविभागीय अंतर्गत येत असलेल्या कमलापूर वनपरीक्षेत्र हद्दीतील कोडसेपल्ली उपक्षेत्रा अंतर्गत नियमतक्षेत्र कोडसेपल्ली 1 मधील खंड क्र. 104 मध्ये आज (दि. 2 जानेवारी) सकाळी गाय चराई साठी जंगलात गेले असता वाघाने एका शेतकऱ्यांचा गाईवर हल्ला करत ठार केले. सदर गाय शेतकरी विनोद डोलू तलांडी रा. कोडसेपल्ली यांची असल्याची माहिती आहे. सदर घटनेची चौकशी करून नुकसान भरपाई देण्याची मागणी नागरिकांनी केली आहे. सदर घटनेबाबत वनपरिक्षेत्र अधिकारी गडमडे यांना विचारणा केली असता वनअधिकाऱ्यां मार्फत सदर घटनेचा पंचनामा करुन नुकसान भरपाईची रक्कम लवकरात लवकर अदा करण्यात येईल असे सांगीतले. तसेच या भागातील नागरिकांनीं सतर्क राहण्याचे आव्हान वनपरीक्षेत्र अधिकारी गडमडे यांनी पत्रकातून केली आहे.
