अहेरी:- अहेरी येथील प्रकल्प अधिकारी आदित्य जीवने (भाप्रसे) यांची बीड येथे बदली झाली.त्यांच्या ठिकाणी कुशल जैन (भाप्रसे) यांनी नुकतेच प्रकल्प अधिकारी म्हणून पदभार स्वीकारला आहे.
कुशल जैन हे मध्यप्रदेश राज्यातील जबलपूर येथील असून ते मायक्रोसॉफ्ट इंजिनियर देखील आहेत. त्यांनी २०२१ मध्ये यूपीएससी परीक्षा पास करून संपूर्ण देशातून ४० वा रँक प्राप्त केला होता. नागपूर जिल्ह्यात त्यांनी पर्यवीक्षादिन कालावधी पूर्ण केला. पारशिवणी, नरखेड, वानाडोंगरी आदी ठिकाणी त्यांनी प्रशासकीय कामाचा अनुभव घेतला आहे.
सामान्य प्रशासन विभागाने २३ सप्टेंबर रोजी प्रकल्प अधिकारी आदित्य जीवने (भाप्रसे) यांचे बीड जिल्हा परिषदेच्या मुख्य कार्यकारी अधिकारी म्हणून नियुक्तीचे आदेश निर्गमित केले. २५ सप्टेंबर रोजी आदित्य जीवने यांनी पदभार सोडला. त्यांच्या ठिकाणी कुशल जैन (भाप्रसे) यांनी नुकतेच अहेरी प्रकल्प अधिकारी म्हणून पदभार स्वीकारला आहे.
