एटापल्ली, 11 जानेवारी: श्री आघाव साहेब,उपजिल्हाधिकारी (रोहयो) यांच्या एटापल्ली भेटीदरम्यान, संस्कार संस्थेने शेतकऱ्यांच्या हितासाठी सुरू केलेल्या *ग्रामनाथ* प्रकल्पाची सविस्तर माहिती देण्यात आली.
संस्थेच्या प्रतिनिधींनी प्रकल्पाचे उद्दिष्ट, कार्यपद्धती, आणि यामुळे शेतकऱ्यांच्या जीवनमानात होणारे सकारात्मक बदल याबाबत माहिती दिली. *ग्रामनाथ* प्रकल्प हा शेतकऱ्यांच्या आर्थिक सक्षमीकरणासाठी विविध उपक्रम राबवतो. यामध्ये जैविक शेती, जलसंधारण, पीक वैविध्य, आणि शाश्वत शेतीचे तंत्रज्ञान यांचा समावेश आहे.
श्री आघाव साहेब उपजिल्हाधिकारी (रोहयो) यांनी प्रकल्पाच्या कार्यप्रणालीचे कौतुक करत स्थानिक शेतकऱ्यांशी संवाद साधला. त्यांनी प्रकल्पातून होणाऱ्या फायद्यांवर प्रकाश टाकला व प्रशासनाकडून या प्रकल्पाला शक्य ती सर्व मदत करण्याचे आश्वासन दिले.
संस्कार संस्थेचे संस्थापक श्री विजय संस्कार यांनी प्रकल्पाच्या यशस्वीतेसाठी शेतकरी, प्रशासन, आणि स्थानिक समुदायाचा सहभाग महत्त्वाचा असल्याचे नमूद केले. या भेटीदरम्यान, अनेक शेतकऱ्यांनी आपले अनुभव उपजिल्हाधिकारी साहेबांसमोर मांडले आणि प्रकल्पामुळे त्यांच्या जीवनात झालेल्या बदलांची माहिती दिली.
आरडीसी यांच्या भेटीमुळे प्रकल्पाच्या पुढील विस्तारासाठी आवश्यक ती मदत आणि मार्गदर्शन मिळण्याची आशा व्यक्त करण्यात आली.
