अहमदाबाद वरून लंडनला जात होती विमान.
गुजरात:- अहमदाबादमध्ये विमान कोसळल्याची मोठी दुर्घटना घडली. कोसळलेले एआय १७१ हे विमान एअर इंडिया या विमान वाहतूक कंपनीचे होते. टेक ऑफ केल्यानंतर अवघ्या दहाच मिनिटांत हे विमान कोसळले. मिळालेल्या माहितीनुसार या विमानात एकूण २४२ प्रवासी होते. अहमदाबादहून हे विमान लंडनला जात होते. विमान कोसळताच एकदम आग भडकली. त्यामुळे विमानातील प्रवाशांबद्दल चिंता व्यक्त करण्यात येत आहे. दरम्यान, मदत व बचावकार्य तातडीने सुरू करण्यात आले.
अहमदाबादच्या मेघानीनगर भागात हे विमान कोसळले असून, या भागात आगीच्या प्रचंड ज्वाळा दिसल्या. दूरवरून काळ्या धुराचे लोट दिसत होते. प्राथमिक माहितीनुसार सरदार वल्लभभाई पटेल आंतरराष्ट्रीय विमानतळावर हा दुर्दैवी अपघात झाला. विमानतळाच्या सीमेजवळ हे विमान कोसळल्याचे मानले जात आहे. समोर आलेल्या सुरुवातीच्या छायाचित्रांमध्ये विमानाचे तुकडे झाले असल्याचे दिसून येते. मदत आणि बचाव कार्य सुरू आहे.
चित्रात विमानाचा एक पंखा तुटून पडला असल्याचे दिसून येत आहे. अग्निशमन दलाचे जवान पाणी फवारून आग आटोक्यात आणण्याचा प्रयत्न करत आहेत. त्यामुळे आग आटोक्यात आली आहे. ही दुर्घटना घडली तेव्हा विमान विमानतळावरून उड्डाण घेत होते. विमानाचे बहुतेक भाग जळून राख झाले आहेत. ज्या इमारतीवर विमान पडले, त्या इमारतीचेही नुकसान झाले आहे. विमानतळाजवळ एक सिव्हिल हॉस्पिटल आहे, जिथे सर्व डॉक्टरांच्या रजा रद्द करण्यात आल्या आहेत. आतापर्यंत मिळालेल्या माहितीनुसार अहमदाबादहून उड्डाण केलेले हे विमान लंडनच्या दिशेने जात होते.
विमानात क्रू मेंबर्ससह २४२ लोक होते. अहमदाबाद पोलिस नियंत्रण कक्षाने याची पुष्टी केली आहे. मिळालेल्या माहितीनुसार हे विमान अहमदाबादहून लंडनला जात होते आणि अहमदाबाद विमानतळावरून उड्डाण घेतल्यानंतर काही वेळातच मेघानीनगरजवळ अपघात झाला. विमानतळापासून मेघानीनगरचे अंतर सुमारे १५ किलोमीटर आहे. अपघातानंतर लगेचच अग्निशमन दलाच्या ७ गाड्या घटनास्थळी पोहोचल्या आणि आग विझवण्यास सुरुवात केली. आग आटोक्यात आली.
विमान अपघाताचे अनेक व्हिडिओ सोशल मीडियावर व्हायरल झाले आहेत, ज्यामध्ये अपघातस्थळावरून आकाशात काळा धूर उठताना दिसत आहे. घटनास्थळी आपत्कालीन प्रतिसाद पथक तैनात करण्यात आले. अधिकाऱ्यांनी अद्याप अपघाताचे कारण निश्चित केलेले नाही. मेघानीनगर परिसरातील धारपूरमधून प्रचंड धूर दिसत आहे.
