अनखोडा येथील तिमाडे परिवारात शिवजयंती साजरी
चामोर्शी : महाराष्ट्राचे आराध्यदैवत छत्रपती शिवाजी महाराजांच्या जयंतीचा सोहळा एखाद्या सणाप्रमाणे आपल्या घरात थाटामाटात घरी साजरा करण्याची परंपरा चामोर्शी तालुक्यातील अनखोडा येथील सामाजिक कार्यकर्ते संतोष तिमाडे या इसमाने जोपासली आहे. यंदा त्यांनी आपल्या राहत्या घरी शिवजयंती साजरी केली.
‘शिवराय मनामनात, शिवजयंती घराघरात’ ही संकल्पना गेल्या काही वर्षात महाराष्ट्रातील घराघरांत रूजते आहे. याच धर्तीवर आपणही राजांची जयंती दणक्यात साजरी करावी या हेतूने संतोष ने तिथीनुसार आज आपल्या घरीच शिवजयंती सोहळा आयोजित केला. ही संकल्पना हळूहळू महाराष्ट्रातील प्रत्येक घरात उत्साहाने साजरी व्हावी यासाठी हा एक छोटा प्रयत्न असल्याची प्रतिक्रिया संतोष तिमाडे यांनी दिली.
